Térimliqlarning eneniwi janggal kawapliri

From Uyghurpedia- Uyghur Énsiklopédiyisi
Jump to: navigation, search

Uyghur Énsiklopédiyisige Iane Qiling Uyghur Énsiklopédiyisi

Uyghur taamliri tarixi uzun, hüner-seniti yuqiri, temlik, rengdar bolushtek alahidilikliri bilen dangliq bolup, u jungxua milletlirining medeniyet-senet gülzarliqidiki chaqnap turghan gül, shundaqla insanlar yémek-ichmek medeniyitining senet xezinisidur.

Yopurgha nahiyesining térim yézisidiki uyghurlarning eneniwi janggal kawapliri ene shu yimek-ichmek medeniyitimizning bir türi bolup özgichilikke ige. Bu xil janggal kawapliri zixliq kawap, qiyma kawap, asma kawap we pütün pishurulghan tonur kawap qatarliq türlerge bölinidighan bolup, térimliqlar méhman kütkende bu xil kawaplarni pishurup, alahide yimeklik ornida destixangha qoyidu. Bu xil janggal kawapliri asasen yerlik erkek paqlan, erkek oghlaq göshidin étilidighan bolup, uninggha bughday uni, tuxum, aqmuch, qaramuch, zire, piyaz, tuz qatarliqlar qoshumche xam eshiya qilinip, bashqa héchqandaq tétitqu ishlitilmey, janggalda ösken quruq yulghun, toghraq derixining otunini qalap chogh chüshürülüp, qiyma kawap, zixliq kawaplar kawapdanda, asma kawap we pütün kawaplar shor tonurda dümlep pishurilidu. Shunga bu xil kawaplar "janggal kawap" dep atalghan.

Janggal kawaplirining temi tatliq, xush- puraqliq hem yiyishlik bolup, uning tebiiti quruq issiqqa mail bolup, soghuqtin bolghan herxil hezim qilish ezaliri késelliklirige shipa bolghandin bashqa yene bedenge quwwet bolidu. Uningdin bashqa yene, térimliqlar ow owlighanda, oljilarni janggalda otqa qaqlap pishurup yiyishtek eneniwi aditinimu hazirghiche saqlap kelmekte.

Hazir térimliqlarning bu xildiki janggal kawapliri "dawaköl qumluq menzire sayahet rayoni"diki yimek-ichmeklerning ichide alahide orunda turup, dölet ichi we sirtidin kelgen sayahetchilerni köplep jelp qilmaqta. Shunga, térim yézisidiki yimek-ichmek kespi bilen shoghullinidighan déhqan tijaretchiler yéqinqi yillardin buyan, bu xil kawapchiliqni kesipleshtürüp, "dawaköl qumluq menzire sayahet rayoni" yéqin bolushtek ewzel sharaittin paydilinip, sayahetchilerge xilmu-xil janggal kawaplirini pishurup sétip, aile iqtisadi kirimini ashurup kelmekte.


Tehrir:Gülbehrem muxtar Menbesi:Junggo uyghurche radiyo tori Yollan’ghan waqit: 2014-01-15